FARHANG E ASFIYA (4 VOLUMES) فرہنگ آصفیہ - 4جلدیں
PKR: 8,000/-
اردو کی معروف ترین لغت "فرہنگِ آصفیہ" کا ایک نیا تصحیح شدہ ایڈیشن شائع ہو گیا ہے جسے اردو دان طبقوں نے لغت نویسی کے میدان میں سنگِ میل قرار دیا ہے۔ فرہنگِ آصفیہ صرف لغت ہی نہیں ہے، بلکہ اسے اردو تہذیب کا انسائیکلوپیڈیا قرار دیا جا سکتا ہے۔ یہی نہیں بلکہ کہا جا سکتا ہے کہ بعد میں آنے والی تمام اردو لغات ایک طرح سے فرہنگِ آصفیہ ہی کی توسیع یا تلخیص ہیں۔ اب اس عظیم الشان لغت کا جدید دور کے تقاضوں سے ہم آہنگ کمپیوٹرائزڈ ایڈیشن شائع ہوا ہے جسے یاسر جواد اور رفاقت راضی نے بڑی دقتِ نظر سے مرتب کیا ہے۔ انھوں نے اندراجات اور تشریحات سمیت 20 لاکھ الفاظ پر مبنی اس ضخیم لغت کو شائع کروا کر وہ کام سرانجام دیا ہے جو بڑے بڑے اداروں سے نہ ہو سکا۔ فرہنگ آصفیہ اردو کی اُم اللغات ہے۔ اور ایک سو سال گزر جانے کے بعد بھی اس کی اہمیت کم نہیں ہوئی۔ یہ لغت 1898ء سے 1918ء کے درمیان چار جلدوں میں شائع ہوئی۔
