JUNUBI ASIA KI MUNTAKHAB NAZMEIN جنوبی ایشیا کی منتخب نظمیں
PKR: 800/-
Author: YASMEEN HAMEED
Translator: YASMEEN HAMEED
Pages: 295
ISBN: 978-969-662-421-9
Categories: POETRY TRANSLATIONS
Publisher: BOOK CORNER
ہم پر بسا اوقات مغربی دنیا کے ادب کا اتنا رعب چھا یا رہتا ہے کہ ارد گرد کی ادبی کاوشوں پر نظرکم ہی جاتی ہے۔ ہم اس پر بھی غور نہیں کرتے کہ جو تہذیبی اور ادبی روایات ہمارے آس پاس موجود ہیں ان میں مشترک اقدار زیادہ ہیں۔ مغربی ادب پر ہماری گرفت مضبوط نہیں۔ اہلِ مغرب بھی ہمارے ادب کی باریکیوں اور لطافتوں سے کم شناسا ہیں۔ یاسمین حمید نے ، جو خود بھی اُردو کی اچھی شاعر ہیں اور انگریزی سے بھی بخوبی واقف ہیں، تنِ تنہا آس پاس لکھی جانے والی شاعری کو اُردو میں منتقل کیا ہے۔ اس انتخاب میں بھارت کی سبھی اہم زبانوں سے شعرا چنے گئے ہیں۔ علاوہ ازیں، بنگلہ دیش، سری لنکا اور نیپال کے شاعروں کو بھی نظر انداز نہیں کیا گیا ہے۔ انتخاب کا بنیادی سروکار جدید دور کی شاعری سے ہے۔ آج ہم ایسے دو راہے پر کھڑے ہیں جہاں دنیا جہان کے افکار، مسائل اور احساسات سے ہر وقت دو چار ہونا پڑتا ہے۔ یہ بیسویں اور اکیسویں صدی کی شاعری ہے جسے اُردو اور مغربی طرز ہائے سخن سے بالکل الگ کر کے دیکھنا ممکن نہیں رہا۔ یاسمین حمید کی یہ مثالی کاوش بلاشبہ اُردو قارئین کو نئے لہجوں سے متعارف کرا سکے گی۔ تراجم شستہ اور واضح ہیں۔ ادبی دسترخوان پر اس مجموعے کے مندرجات کو ایک نیا ذائقہ سمجھیے۔
محمد سلیم الرحمٰن
RELATED BOOKS
