AY DIL AY DARYA اے دل اے دریا
یوسف حسن کے چند منتخب اشعار:
دل ہے کسی دیار میں شام کے غبار میں
سر ہیں یا چراغ ہیں بام پر دھرے ہوئے
۔۔۔۔۔۔۔۔۔۔۔۔
ہر لو کو چاٹتی ہوئی بارش کی رات میں
روشن ہے اک چراغ ابھی دل کے گھاؤ میں
۔۔۔۔۔۔۔۔۔۔۔۔
اک دھواں سا دور تک تیرے تعاقب میں گیا
اک چمک سی دیر تک سایوں میں لرزیدہ رہی
۔۔۔۔۔۔۔۔۔۔۔۔۔
اسے اپنی حقیقت کیا بتائیں
ہم اس کی دھوپ میں سائے ہوئے ہیں
۔۔۔۔۔۔۔۔۔۔۔۔۔
دستِ دعا اٹھائے تو اک عمر ہو چلی
کوئی قدم اٹھاؤ کہ زنجیرِ پا گرے
۔۔۔۔۔۔۔۔۔۔۔۔۔
اسی کھنڈر میں مرے خواب کی گلی بھی تھی
گلی میں پیڑ بھی تھا پیڑ پر ثمر بھی تھا
۔۔۔۔۔۔۔۔۔۔۔۔۔
کبھی مجھ سے بھی لپٹ کر کوئی پوچھے یوسف
کن خرابوں میں بھٹکتا ہوا گھر آیا ہوں
RELATED BOOKS
Shiraaza, Baghawat, Dhanak Ka Aathvan Rang | 3 Books Bundle Offer
Author: Anwar Masood
PKR: 5,700/- 3,990/-
