KULYAT BEDAM WARSI کلیات بیدم وارثی
PKR: 1,500/-
Author: HAZRAT BEDAM SHAH WARSI
Categories: URDU LITERATURE SUFISIM POETRY URDU CLASSICS
Publisher: BOOK CORNER
شمعِ حرمِ جاں ہے یا مشعلِ بت خانہ
کیا کیا میں کہوں تجھ کو اے جلوۂ جانانہ
منزل مرے مقصد کی کعبہ ہے نہ بت خانہ
ان دونوں سے آگے چل اے ہمتِ مردانہ
مے خواروں کے صدقے میں ساقی کوئی پیمانہ
میخانہ میں حاضر ہے دردی کشِ میخانہ
سب نقش خیالی ہیں کعبہ ہو کہ بت خانہ
تُو مجھ میں ہے میں تجھ میں اے جلوۂ جانانہ
ساقی ترے آتے ہی یہ جوش ہے مستی کا
شیشہ پہ گرا شیشہ پیمانے پہ پیمانہ
میرا دلِ ویراں بھی آباد کیے جانا
اے زینتِ ہر محفل اے صاحبِ ہر خانہ
زاہد مری قسمت میں سجدے ہیں اسی در کے
چھُوٹا ہے نہ چھُوٹے گا سنگِ درِ جانانہ
تو شمع صفت اے گل آئے جو سرِ محفل
پروانہ بنے بلبل، بلبل بنے پروانہ
مٹ کر بھی رہے باقی جو تجھ پہ مٹے ساقی
جب مٹتے ہیں بنتے ہیں خاکِ درِ میخانہ
یاں کافر و مومن کی تفریق ہے لاحاصل
سب یار کے جلوے ہیں اپنا ہے نہ بیگانہ
کیا لطف ہو محشر میں، میں شکوے کیے جائوں
وہ ہنس کے کہے جائیں دیوانہ ہے دیوانہ
معلوم نہیں بیدمؔ میں کون ہوں اور کیا ہوں
یوں اپنوں میں اپنا ہوں بیگانوں میں بیگانہ
#بیدم
-----------
کلیات بیدم وارثی | حضرت بیدم شاہ وارثی رحمۃ اللہ علیہ
مجموعہ 5 کتب | ضخامت 512 | اعلی امپورٹڈ پیپر | باتصویر
1- نورالعین المعروف مصحف بیدم
2- کرشمہ وارثی المعروف صوت سرمدی
3- جگر پارہ المعروف ارمغان بیدم
4- گلدستہ وارثی المعروف نذر غریب نواز
5- فغان بیدم المعروف نظم دل افگار
