BOOKS CATEGORIES
INSAAN, AY INSAAN! انسان اے انسان
Author: HASAN MANZAR
PKR: 1,500/-
2,500/-
- Binding:
- hardback
- Pages:
- 591
- ISBN:
- 978-969-662-631-2
- Categories:
- URDU LITERATURE NOVEL
- Publisher:
- BOOK CORNER
About the book
حسن منظر اُردو کے ایک ایسے افسانہ و ناول نگار ہیں جو زندگی کو زمانۂ حال اور عہدِ ماضی کے تمام افسانہ نگاروں سے یک سر الگ انداز میں دیکھتے ہیں۔ وہ اپنے مشاہداتِ حیات کو افسانے یا ناول کی صورت میں پیش کرتے ہیں تو یہ بات بالخصوص متاثر کرتی ہے کہ ان کے افسانے اور ناول کے بیانیے میں ان کی زندگی کا تجربہ اور اس کا تجزیہ شامل ہوتا ہے، لیکن وہ آپ کے خیالات کو منقلب کرنے کے آرزو مند نظر نہیں آتے، اس کے برعکس وہ معاشرتی اور تہذیبی حقیقت کو اپنے تجزیے کی روشنی میں اِس طرح پیش کرتے ہیں کہ حقیقت کی جراحت یا بہجت آپ کو اپنی طرف متوجّہ کر لیتی ہے۔ حسن منظر کا نیا ناول ’’انسان، اے انسان‘‘ ان کے سابقہ ناولوں: ’’العاصفہ‘‘، ’’وبا‘‘ اور ’’دھنی بخش کے بیٹے‘‘ سے اِس لحاظ سے مختلف ہے کہ اِس میں اُنھوں نے مرکزی کردار تلمیذ الرحمٰن کو مثال بنا کر یہ بنیادی سوال اٹھایا ہے— ’’انسان اے انسان— آخر تُو کیا ہے؟‘‘ اور جواب کی جستجو میں حیاتیاتی واقعات، سانحات اور حالات کی قاشیں جمع کرنے کی بجائے تلمیذ کی پوری زندگی کو موضوع بنایا ہے۔ اِس ناول میں اُنھوں نے 1940ء سے لے کر 1960ء کے وسط تک کے معاشرتی عمل کو اپنے منفر د مشاہدات اور تلمیذ کے انفرادی اور رنگ بدلتے ردِّ عمل کے حوالے سے اِس طرح پیش کر دیا ہے که ناول زندگی کا مرقّع بن گیا ہے اور تاثر کی متنوّع کیفیات پیدا کرتا چلا جاتا ہے، اور انجام اتنا اچانک اور غیر متوقّع ہے کہ تلمیذ پھانسی کے تختے پر چڑھنے کی بجائے پھر زندگی کے میدان میں کود جاتا ہے۔
’’انسان، اے انسان‘‘ ایک باشعور تخلیقی فن کار کا ناول ہے، جو حقیقت کو انوکھے زاویوں سے دیکھتا ہے اور انھیں اپنے فطری اسلوب میں احساسات کے جزر و مد کے ساتھ پیش کر دیتا ہے، لیکن قاری محسوس کرتا ہے کہ اس کی سوچ کو مہمیز کر دیا گیا ہے۔ فن کی اس بلندی پر اُردو کے جو ناول پہنچے ہیں، وہ انگلیوں پر گِنے جا سکتے ہیں، اور ان میں ’’انسان، اے انسان‘‘ بھی شامل ہے۔
(انور سدید)
RATE THIS BOOK
RELATED BOOKS
Deputy Nazeer Ahmed Ki Kahani: Kuch Un Ki Kuch Meri Zabani
ڈپٹی نذیر احمد کی کہانی: کچھ ان کی کچھ میری زبانی
Author: Mirza Farhat ullah Baig
PKR: 350/-
500/-
Dr. Wazir Agha Bator Iqbal Shinas
ڈاکٹر وزیر آغا بطور اقبال شناس
Author: Dr. Haroon Rasheed Tabassum
PKR: 192/-
480/-
Hakeem ul Ummat Taqi Abedi Khasusi Shumara
حکیم الامت تقی عابدی خصوصی شمارہ
Author: Dr. Muhammad Zafar Haideri
PKR: 600/-
1,500/-