JO MAIN NE PARHAA جو میں نے پڑھا
PKR: 1,800/- 1,260/-
Author: MUBASHIR ALI ZAIDI
Binding: hardback
Pages: 296
Year: 2026
ISBN: 978-969-662-711-1
Categories: ESSAYS TRANSLATIONS NONFICTION
Publisher: BOOK CORNER
On Sale: 31 August 2026
Author Biography:
مبشر علی زیدی صحافی، افسانہ نگار، مترجم اور استاد ہیں۔ بچوں کے رسالوں سے لکھنا شروع کیا، ڈائجسٹوں میں ملازمت کی اور ’’سو لفظوں کی کہانی‘‘ سے شہرت پائی۔ پچّیس سال تک ایکسپریس، جنگ، جیو نیوز اور وائس آف امیریکا میں خدمات انجام دیں۔ کراچی یونیورسٹی سے ادب میں ماسٹرز کے بعد انھوں نے مَیری لینڈ یونیورسٹی سے اسٹریٹیجک کمیونی کیشنز اور لرننگ ڈیزائن اینڈ ٹیکنالوجی میں ماسٹرز کیے، اور اب امریکا کے ایک ہائی اسکول میں انگریزی ادب پڑھاتے ہیں۔ ان کی تحریریں ’’دنیازاد‘‘، ’’تسطیر‘‘، ’’ادبیات‘‘ اور ’’آج‘‘ جیسے ادبی جریدوں میں چَھپ چکی ہیں۔ ان کی آٹھ کتابیں منظرِ عام پر آ چکی ہیں، جبکہ ’’سو لفظوں کی کہانی‘‘ کے ہندی اور فارسی میں تراجم دہلی اور تہران سے شائع ہوئے ہیں۔
کچھ لوگ بچپن ہی سے مطالعے کا لطف اٹھانا شروع کر دیتے ہیں۔ کچھ لوگ تاخیر سے اس کا تجربہ کرتے ہیں۔ بیشتر لوگ زندگی بھر اس سے ناآشنا رہتے ہیں۔
پڑھنا سیکھنے کے بعد ہم سب فکشن سے آغاز کرتے ہیں، جیسے شاعری سے پہلا واسطہ اسکول میں نرسری رائمز سے ہوتا ہے۔ لیکن نرسری رائمز پڑھنے کے باوجود بہت سے لوگ دوبارہ شاعری نہیں پڑھتے، یا سمجھ نہیں پاتے۔ یہی معاملہ مطالعے کا ہے۔ اکثریت مطالعے کو بوجھ سمجھنے لگتی ہے۔ اس میں کچھ قصور ہمارے نظامِ تعلیم کا بھی ہے۔
مطالعے کا مزہ صرف فکشن میں نہیں۔ اس کے بعد سب سے اہم لٹریری نان فکشن یعنی ادبی نثر ہے۔ فکشن کے بعد شاید سب سے زیادہ آپ بیتیاں اور یادداشتیں پڑھی جاتی ہیں۔ بعض صحافی بھی اپنی صحافیانہ تحریروں کو پُرلطف بنانے کا فن جانتے ہیں۔
میں ہمیشہ سے دوستوں کو اپنے مطالعے میں شریک کرتا رہا ہوں۔ اچھی کتابوں کا تبادلہ کرنا، نئی کتابوں کی کئی کئی کاپیاں خرید کر دوستوں کو دینا اور ڈیجیٹل ایج آنے کے بعد اچھے مضامین اور کتابوں کی سافٹ کاپیاں شیئر کرنا میری عادات میں شامل ہے۔
یہ کتاب بھی اسی ذوق اور شوق کے سلسلے میں مرتب کی ہے۔ ایک مقصد یہ بھی ہے کہ خراب تحریروں کی وجہ سے جو لوگ مطالعے کی طرف مائل نہیں ہوتے، وہ ان عمدہ مضامین سے واپس آ جائیں۔ مطالعے کا لطف اٹھانا سیکھیں۔ یہ دنیا کے بہترین اخبارات، جرائد اور ویب سائٹس کی شاہکار تحریریں ہیں۔ میں نے صرف اتنا کیا ہے کہ انھیں تلاش کر کے آپ کو پیش کر دیا ہے۔
آئیں، مل کر مطالعے کا لطف اٹھائیں۔
(مبشر علی زیدی)
