HAR KAHANI MERI KAHANI ہر کہانی میری کہانی
PKR: 1,500/- 1,050/-
Author: TAHIR JAVED MUGHAL
Pages: 367
ISBN: 978-969-662-579-7
Categories: AUTOBIOGRAPHY MEMOIRS
Publisher: BOOK CORNER
طاہر جاوید مغل کا بیان نہایت دیانت دارانہ ہے۔ ان کی سچائی، صاف گوئی تو دیدنی ہے ہی مگر یہ بہت دلچسپ بھی ہے۔ وہ قاری کی انگلی تھام کر اسے اپنے بچپن کے زمانے سے لے کر لڑکپن، نوجوانی، جوانی اور پھر ادھیڑ عمری تک کے تمام ادوار میں لیے پھرتے ہیں۔ وہ اپنے زمانے کا لاہور دکھاتے ہیں اور پھر سری لنکا اور یورپ کے بعض ممالک کا سفر بھی مفت میں کرا دیتے ہیں۔ واقعات سادگی مگر نہایت دلچسپی سے بیان ہوئے، قاری ایک طویل نشست میں پوری کتاب پڑھنے کی خواہش کرے گا۔ یہ خوش آئند ہے کہ اس کتاب کو بک کارنر، جہلم جیسا اچھا پبلشر نصیب ہوا۔
(عامر خاکوانی )
لطف کی بات یہ ہے کہ اس داستانِ حیات کے مطالعہ سے قارئین کو یقیناً کہیں بھی اکتاہٹ سے واسطہ نہیں پڑے گا۔ مصنف نے گھریلو حالات کے حوالے سے مخصوص مشرقی تہذیب و تمدن کی مہذب روایات کے تذکرے کرنے سے بھی گریز نہیں کیا۔ جبکہ جوانی کی دہلیز پر قدم رکھنے پر اپنے مونس و دم ساز، غمخوار و ہمدرد یاروں کی رومان پرور لغزشوں کو بھی ’’ہر کہانی میری کہانی‘‘ میں ایک حد تک ناول کے انداز میں بڑی کامیابی کے ساتھ سمو دیا ہے۔
(خالد کاشمیری )
حیرت ہوتی ہے کہ قلم سے ایک دنیا آباد کرنے والا، قصوں کا لامتناہی ابعاد دکھانے والا، خود کتنا سادہ، سیدھا اور ایک راست گو شخص ہے۔ جیسا وہ خود ہے ویسے ہی اس کی تحریر میں سچائی، سادگی اور معصومیت جیسی خصوصیت ہے۔ ویسے بھی تصنع اور نمود سے پاک تحریر سچائی کے جتنے نزدیک ہو گی وہ قابلِ پڑھت ہو گی۔
(سائرہ غلام نبی )
RELATED BOOKS
